Inici des corsi d’aranés!

Aué comencen es classes deth cors d’aranés 2024-2025, que s’acabarà en mes de mai damb es examens oraus e escrits dera prumèra convocatòria. Vista era nauta demanda entà apréner aranés, enguan auem doblat es nivèus A1, B1, B2 e C1, damb classes presenciaus e a distància.

Toti es corsi an ua durada de 60 ores, damb dues ores per setmana.

Eth calendari setmanau ei aguest:

Es deluns, de 18h a 20h, se hèn es classes presenciaus* deth nivèu A1; de 19h a 21h, se hèn es classes presenciaus deth nivèu A2 e tanben es deth nivèu B1.

Es dimars, de 18h a 20h, se hèn es classes a distància des nivèus B1 e C1, e de 19h a 21h, es classes a distància deth nivèu B2.

Es dimèrcles, de 18h a 20h, se hèn es classes presenciaus deth nivèu B2.

E es dijaus, de 18h a 20h, se hèn es classes a distància deth nivèu A1.

* Es classes presenciaus se hèn ena Escòla Garona de Vielha.

Vos desiram un bon començament de cors!