Eth Conselh Generau d’Aran amie a tèrme es examens oficiaus d’aranés

  • Pendent aguesti dies, mès d’un centeat de persones s’examinen des disparièrs nivèus d’aranés, en tot demostrar es sòns coneishements e domeni dera lengua pròpria d’Aran

Ath long d’aguestes setmanes, es professionaus deth departament de Lengua deth Conselh Generau d’Aran e es professors e professores des corsi d’aranés impartidi pera maxima institucion aranesa amien a tèrme es examens des disparièrs nivèus d’aranés entà poder arténher es certificats oficiaus de nivèu dera lengua pròpria d’Aran.

En totau, s’an examinat o s’an d’examinar enes pròplèu dies:

  • A1: 38 persones.
  • A1: 8 deputats deth Parlament que participen enes corsi que s’aufrissen ena cramba catalana.
  • A2: 7 persones.
  • B1: 20 persones.
  • B2: 26 persones.
  • C1: ath torn de 25 persones.

Entre es persones que s’examimnen se trapen es alumnes des corsi d’aranés deth Conselh Generau d’Aran e gent que s’examine per liure.

Entara sindica d’Aran, Maria Vergés, “es corsi d’aranés representen un esturment fòrça important entà mantier viua era lengua, normalizar-la e apropar-la as persones nauvengudes o aqueres que volguen ampliar es sòns coneishements”.

cvillar

Tags: Corsi, Lengua

Newsletter:

Darrèrs posts

Tanben te pòt interessar

This site is registered on wpml.org as a development site.