Eth Conselh Generau d’Aran daurís es inscripcions entà examinar-se per liure des pròves oficiaus d’aranés ena convocatòria de seteme

A compdar des 9 d’aguest deluns, dia 26, e enquiath diuendres 30 d’agost seràn dubèrtes es sollicituds d’inscripcion en aguest ligam (https://aranes.conselharan.org/corsi-daranes/) qu’amie tath formulari, qu’auratz de completar entà dempús hèr eth pagament dera taxa d’examen, damb era aportacion deth document justificatiu corresponent, s’ei eth cas, e enviar-lo estacat damb era sollicitud.

Vos rebrembam qu’aguestes inscripcions son tàs persones que non an hèt es corsi d’aranés enguan, o tàs que non profitèren era prumèra convocatòria (de mai-junh), se vòlen arténher eth títol acreditatiu e oficiau de coneishements d’aranés des nivèus A1, A2, B1, B2 e C1. En cas deth C1, sonque se pòden presentar es persones qu’an corsat eth nivèu pendent aguest cors e non s’an presentat ara prumèra convocatòria.

Es pròves oraus e escrites se haràn en Vielha, ena sedença deth Conselh Generau d’Aran, es dies 3, 4 e 5 de seteme, a compdar des dètz deth maitin (https://aranes.conselharan.org/wp-content/uploads/2024/05/ANUNCI_EDICTEBOP_Modificacions_Mai2024.pdf).