Nivèu C1

Data de començament
Durada
60 ores
Dificultat
Apregondiment

Objectius a arténher

Eth nivèu C1 d’aranés a coma objectiu dotar ar aprenent damb es coneishements lingüistics de besonh tà compréner ua ampla gamma de tèxtes longui e complèxes, e arreconeisher-ne eth sens implicit. S’a de poder exprimir damb fluïdesa e espontaneïtat sense auer de cercar d’ua manèra guaire evidenta paraules o expressions. A de poder emplegar era lengua de manèra sopla e eficaça entà intencions sociaus, academiques e professionaus. A de poder produsir tèxtes clars, ben estructuradi e detalhadi sus tèmes complèxes, e mòstrar un emplec controlat d’estructures organizatives, connectors e mecanismes de coesion.

Ath finau de cicle er alumne a de:

  • Explicar e argumentar sus quisevolh tipe de tèma.
  • Exprimir-se coma un nadiu.
  • Descríuer de manèra comprenedera e opinar sus tèmes generaus o especifics.
  • Redigir tèxtes detalhats e explicar un punt d’enguarda sus un tèma en tot aportar comentaris sus auantatges e inconvenients des diferentes opcions.

Contenguts deth cors

  • Contròl des ligams fonetics (assimilacions totaus o parciaus) e discors orau.
  • Particularitats dera morfologia de genre e de nombre en lexic especific.
  • Usatges non literaus des tempsi verbaus: present istoric; combinasons damb condicionau.
  • Emplec des connectors en contèxte formau.
  • Consolidacion des emplecs de conjoncions subordinantes.
  • Coneishença des particularitats des auxiliars en aranés e en occitan.
  • Emplec des enonciatius.
  • Emplec des quantificadors en contèxte negatiu.
  • Parlar deth passat o deth futur a compdar de perspectives diferentes.
  • Exprimir-se en contèxte formau de manèra estructurada.
  • Èster capable d’adequar formaument eth discors ath nivèu de formalitat.
  • Èster capable de hèr distincions entre nivèus interpretatius en discors literari.

Er estudiant pòt compréner tèxtes longui e complèxes de caractèr literari o basadi en hèts, e en pòt apreciar es diferéncies d’estil. Pòt compréner articles d’especialitat e instruccions tecniques longues, encara que non agen relacion damb eth sòn camp d’especialitat.

Es tèxtes a trabalhar seràn:

  • Articles d’opinion, en diaris o revistes. Biografies.
  • Entrevistes.
  • Corrèus electronics o cartes, formaus o personaus.
  • Fragments literaris.
  • Compdes renduts. Notícies.
  • Articles culturaus o assagi.

En toti aguesti contèxtes, se cercarà tanben un lenguatge realista, non tostemp normatiu, e er escolan n’aurà de dar era version corrècta.

Er estudiant de C1 pòt compréner discorsi longui, encara que non siguen plan estructuradi e qu’es relacions sonque siguen implicites e non siguen soslinhades explicitaments. Pòt compréner programes de television e pellicules sense guaire esfòrç.

Es audicions a trabalhar seràn:

  • Convèrses d’extension mejana formaus e informaus: intercambi d’experiéncies personaus e opinons.
  • Debats sus tèmes d’interès generau, personau, o especific.
  • Discorsi e conferéncies sus tèmes concrèts e abstractes dera vida personau, sociau, professionau o academica.
  • Entrevistes. Letres de cançons.
  • Notícies dera ràdio, television o canaus d’internet.

En toti aguesti contèxtes, se cercarà tanben un lenguatge realista, non tostemp normatiu, e er escolan n’aurà de dar era version corrècta.

Er estudiant se pòt exprimir mejançant tèxtes clars e plan estructuradi, e desvolopar eth sòn punt d’enguarda damb ua cèrta extension. Pòt escríuer sus tèmes complèxes en cartes, assagi o repòrts, e soslinhar-ne es aspèctes que considère mès importants. Pòt seleccionar er estil apropriat en foncion deth lector a qui van adreçadi es tèxtes.

Es redaccions d’expression escrita seràn:

  • Biografies.
  • Corrèus o messatges electronics formaus o non-formaus.
  • Cartes, formaus o non-formaus.
  • Articles, de caractèr expositiu o argumentatiu: auantatges e desauantatges d’ua opcion, rasonaments a favor o en contra d’ua opcion o opinion…
  • Repòrts damb lenguatge tecnic.
  • Nòtes de premsa.
  • Compdes renduts.
  • Formularis de tipe administratiu.

Ath delà des aspèctes lingüistics, auram en compde eth coneishement dera literatura occitana e particularament aranesa:

  • Nòtes sus eth periòde renaishentista e barròc (Godolin, Garròs…)
  • Nòtes sus eth Felibritge (Mistral, Camelat, Condò…)
  • Nòtes sus era literatura contemporanèa (Bodon, Javaloyès, Forêt…)
  • Nòtes sus era literatura aranesa (Boya, Ané, Gutiérrez, Barès, Escala…)
  • Es revirades (Vergés, Barès, Gutiérrez…)

Se darà fragments entà liéger e comentar a manèra d’antologia.

Professorat

Jordi Suïls

Neishut eth 1968 e professor ena Universitat de Lhèida d’ençà de 1993. Especializat en sociolingüistica e sintaxi. Ensenhaire d’occitan e particularaments d’aranés pendent toti aguesti ans. Sagi d’ajudar en tot ensenhar, e en tot balançar eth metòde damb era passion pera lengua. Me platz tot çò que i a laguens e ath torn deth mon pirenenc.

LinkedIn

Miquèu Segalàs

De 34 ans en mon der ensenhament, 30 dedicadi ar aranés: ESO e Bachelierat en Institut d’Aran,  Nivèu B2 e Nivèu C1, darrèrament telematic mès damb era madeisha satisfaccion e interès e aprenent cada dia de toti, companhs e escolans.

iempresa

Inscriu-te

52,00

Disponibla a compdar deth cors 23/24

D’auti corsi

Nivèu A1

Corsi
Basic orau
60 ores

52,00

This site is registered on wpml.org as a development site.